BUTUAN CITY – Gi-inagurahan kagahapong adlawa sa Office of Civil Defense kon OCD-Caraga ang ilang bag-ong office building sa Brgy. Bancasi ning siyudad sa Butuan.
Muabot sa 77-milyones pesos ang nasangpit nga dakbalay nga magsilbing Government Control and Command Center kon GCCC sa Mindanao.
Magsilbi usab kini nga command-and-operation center sa Caraga Regional Disaster Risk Reduction and Management Council kon RDRRMC og house supply para sa disaster response.
Nakatambong sa maong aktibidad sila Department of National Defense (DND) Undersecretary for Civil, Veterans and Reserve Affairs Reynaldo Mapagu nga nag-representa kang Defense secretary and National DRRMC chairperson Delfin Lorenzana; OCD Deputy Administrator for Administration Asec. Hernando Caraig nga nag-representa kang NDRRMC executive director and OCD administrator Usec. Ricardo Jalad, kauban ang ubang opisyales sa OCD Central Office; OCD Caraga, ug ubang miyembrong ahenssiya sa konseho.
