BUTUAN CITY – Anaa na sa luwas nga kahimtang ang usa ka bag-o pa lang natawo nga batang lalaki human kini gibilin sa wala’y pu-angod niyang inahan kilid sa pader sa Brgy. Barangay Concepcion, Makilala, North Cotabato duol sa Makilala Institute of Science and Technology (MIST).
Sigon sa post sa nakakita nga mga estudyante, ning mi-aging gabii pa lang, nakadungog na sila og hilak sa bata nga ila lang gibalewala human nasayran nga wala’y bag-ong natawong bata sa maong lugar.
Apan kagahapon sa buntag dihang nadungog pa gihapon nila ang hilak, ila kining gisubay hangtud nga natud-an kondiin gibutang kini sa kasagbutan ug gitabunan og mga dahon ug gi-amigas na.
Dali kining gidala sa Rural Health Unit sa maong lungsod ug gipadede ug gihatagan og temporaryong pangalan nga ‘Joshua’.
