BUTUAN CITY – Doble ang pagsaka sa ihap sa mga nabiktima ng HIV/AIDS sa siyudad sa Butuan sa nakalabay’ng tulo ka mga tuig.
Sigon ni Anthony Torralba sa Butuan City Health office, anaa na sa Category A ang sa Butuan kondiin apil na kini sa 70 ka mga high-burden areas kon lugar nga gigikanan sa 80-porsento sa ihap sa mga bag-ong impeksyon.
Sa pagdoble matud pa sa maong bilang, kada-semana, duna’y pasyenteng nag-reactive sa virus sa ilang buhatan nga kanunay anaa sa age bracket nga 15 hangtud sa 22-anyos.
Gi-angkon sa opisyal nga taliwa sa paspas nilang prevention outreach program aron mapugngan ang pagkaylap sa maong makamatay nga sakit, kulang pa gihapon kini tungod sa natural behavior sa mga millennials.
Kinahanglan matud pa ang giya sa mga ginikanan og ang discussions kalabot sa HIV-AIDS aron ma-aware ang kabatan-unan kalabot niini. (Beth Ruiz)
