BUTUAN CITY – Malampusong napasira sa mga personahe sa Permits and Licensing Division sa Butuan City Hall ang gituohang bag-ong opisina sa Kabus Padatoon kon KAPA Community Ministry International Inc. ilalom sa bag-o matud pa niining pangalang Special Distribution and Trading Corporation sa may Lower Mandacpan, Brgy. San Vicente ning siyudad sa Butuan.
Sigon ni Atty. Mose Cahoy, legal officer sa Permits and Licensing Division, ang pagpasira base na sa cease and desist order nga nagmando sa mga opisyal sa maong kompanya sa ingon ihunong na ang ilang operasyon human nasayrang dili construction services ang ilang gi-offer kundili investment human nakumpirma sa gihimong surveillance nga nangolekta kini og kwarta gikan sa mga tawo ug naghaag usab og ‘payout’.
Sa eksklusibong interview sa Bombo Radyo Butuan, gipadayag ni Atty. Cahoy nga sa bintana gihimo ang ilang mga transaksyon ug wala’y makitang construction materials sa mismong buhatan. Migawas usab sa ilang imbestigasyon nga ang nag–apply og mayor’s permit nga nagpa-ilang Ministro Canales adina’y gi-attach sa ilang mga dokumento gikan sa Securities and Exchange Commission kon SEC nga dili sila mamamhimong mudawat og kwarta sama sa mga modus sa investment industry rason sa gipagawas nga kamanduan.
