-- ADVERTISEMENT --
BUTUAN CITY – Duna pay inunlan nga gisulod og sako ang wala nay kinabuhi nga batang bag-ong himugso dapit sa kasagbutan sa may sam-ang sa Purok 5, Poblacion, Bayugan City.
Subay sa inisyal nga impormasyon, gibilin lamang ang maong bata sa wala pa mailang suspek nga lalaki, kansa nagsakay og tricycle.
Nabali usab ang liog sa maong bata tungod sa pagka lukot niini sulod sa sako.
Subay sa mga nakakita nga mga residente, wala matud pa silay namatikdang mabdos sa ilahang lugar nga nikalit ra og ka-normal ang tiyan.
Sa kasamtangan, padayon pang gipanubayan sa mga kapulisan ang suspek sa nasangpit krimen.
-- ADVERTISEMENT --
