BUTUAN CITY – Patong-patong nga mga kaso ang gipasaka sa mga sakop sa National Bureau of Investigation NBI – Caraga batuk sa usa ka bading nga college dean human kini nadakpan sa entrapment operation nga gihimo sa usa ka hotel sa Brgy. Sabang, Surigao City.
Gi-ila ni Serafin Gil, Assistant Regional Director sa NBI-Caraga, ang suspek nga si Randy Retulla, 33-anyos, residente sa Brgy. Rizal, Surigao City og dean sa usa ka pribadong kolehiyo sa maong siyudad.
Gihimo ang operasyon human misumbong ang usa sa mga lalaking estudyante niini kalabot sa gika-ingong ‘sextortion’ nga gihimo niini dihang nagbahad kining i-post sa social media ang ilang sex video higayong dili ihatag ang iyang gusto.
Apil sa kasong atubangon sa suspek ang rape, paglapas sa Anti-Sexual Harassment og Anti-Video/Voyeurism Act of 2009.
Gikostudiya karon ang suspek sa Surigao City Jail. (Beth Ruiz)
