Anaa sa Islamabad, Pakistan si US Vice President JD Vance alang sa sunod-sunod nga negosasyon tali sa Estados Unidos ug Iran kalabot sa pagpalugway sa kasamtangang ceasefire. Sa iyang pamahayag, sigon ni Vance nga adunay “substantive discussions” apan walay nakab-ot nga kasabutan.
“We’ve had a number of substantive discussions with the Iranians. That’s the good news. The bad news is that we have not reached an agreement – and I think that’s bad news for Iran much more than it’s bad news for the United States of America,” matud pa ni Vance.
Ang maong panagtapok minglungtad og 21 ka oras sukad Abril 11 hangtud Abril 12, 2026, nga gitmabungan sa mga representante sa Estados Unidos, Iran, ug Pakistan.
Lakip usab sa delegasyon sa Amerika si US special envoy Steve Witkoff ug si Jared Kushner, umagad nga lalaki ni President Donald Trump.
Tumong sa negosayon nga palugwayon ang hunong-buto nga gipatuman niadtong Pebrero 28 ubos sa Operation Epic Fury, human ang unom ka simana nga panagbangi sa Iran kansa nakapahimo og grabe nga kadaot ug krisis sa ekonomiya.
Sumala sa mga taho, lakip sa mga sensitive topics ang uranium enrichment program sa Iran, seguridad sa Strait of Hormuz, ug mga kondisyon alang sa mas lig-on nga ceasefire.
Taliwa sa kapakyasan, nagpabiling bukas ang posibilidad sa bag-ong round sa panaghisgot sa mga umalabot nga simana.
Ang kapakyasan sa negosasyon nakitaan og mas daskong hapak alang sa Iran, kansa nag-atubang sa grabe nga pressure gikan sa international community ug sa epekto sa mga sanctions.
Alang sa Estados Unidos, nagpabiling lig-on ang posisyon nga dili mohatag og kompromiso hangtud dili matubag ang mga nag-unang isyu sa seguridad ug nuclear program.
