BUTUAN CITY – Giandam na sa mga kapulisan ang mga importanteng dokumento alang sa ipasakang kaso sa usa ka babayeng High Value Individual nga nakuhaan og 6-milliones Pesos sa Purok 16, Brgy. Doongan ning dakbayan sa Butuan kagahapong adlawa, bandang alas 7 sa buntag. Kini ang gikataho ni Butuan City Police Office Spokesperson PLT Crispulo Alburo.
Sumala sa maong opisyal nga nakuhaan matud pa ang nasangpit nga akusado og usa ka kilo nga heat-sealed transparent plastic sachet nga dunay sulod shabu, kansa nagkantidad kini og kinatibuk-ang Php6,800,000.00. Naila ang maong dinakpan nga si alyas “Meme”, babaye, minyo, ug residente sa Brgy. Kainodan, Marawi City.
Sumala sa maong opisyal nga kapin usab sa usa ka bulan gipailalum sa surveilance ang maong babaye. Sa kasamtangan, padayon pa ang pagkuha og importanteng impormasyon sa maong akusado.
Ang pamahayag ni Butuan City Police Office Spokesperson PLT Crispulo Alburo sa eksklusibong pakighinabi ning sibyahan.
Dugang niini nga fierst time matud pang nakakuha ang han-ay sa mga kapulisan sa dakbayan sa Butuan og ingon niini kadako nga kantidad sa shabu sulod lamang sa usa ra ka operasyon.
