BUTUAN CITY – Dili pa makumpirma sa Office of the Civil Defense kon OCD-Caraga kung biktima ba gayod sa bagyong Basyang ang usa ka babaye nga napalgang patay sa may Andanan River kagahapong adlawa sa Purok 9, Brgy Noli, Agusan del Sur hangtud nga dili pa nila madawat ang official report gikan sa ilang counterparts sa maong lalawigan.
Madumdumang napalgan kini nga nasangit sa kahoy sa tiilan sa tulay sa nasangpit nga suba rason nga wala malahos pagbanlas padulong sa Wa-Wa River.
Sigon ni Carlo Becera, tigpamaba sa maong buhatan, gihulatan na lang nila ang mga datus gikan sa City Disaster Risk Reduction and Management Office sa Bayugan City aron opisyal nga masayran sa tanan kung biktima ba gayod kini sa bagyong Basyong.
Gikumpirma usab sa opisyal nga cleared na karon ang mga yuta nga midahili sa lungsod sa Bayabas, Surigao del Sur kaganinang buntag nga nahitabo sa barangay road lang.
Padayon pa usab ang ilang pagpa-abot sa uban pang mga datus gikan sa field aron ilang ma-consolidate adiser makapagawas og official data sa damyos nga hatud sa maong bagyo.
