-- ADVERTISEMENT --
BUTUAN CITY – Patay ang usa ka babaye sa Brgy. Hubason, lungsod sa Carmen, Surigao del Sur human mikatkat sa usa ka taas nga punuan lubi dayong ambak.
Sumala sa pamilya sa biktimang si Tata Biangkawan, duna’y gihambing problema ang biktima hinungdan sa iyang pag-ambak.
Nasayrang dunay miresponde nga mga rescuers sa maong hitabo kondiin nagbukad sila og dako-dako nga sako aron isalo sa babaye samtang gikamulo kini og awhag nga mukanaog.
Nasalo man tuod ang mi-ambak nga biktima apan tungod sa dili hugot nga pagkupot sa sako, mi-abot gihapon kini sa yuta rason nga wala na maka-abot pang buhi dihang gidala sa ospital.
