-- ADVERTISEMENT --
BUTUAN CITY – Gipusil patay ang usa ka babayeng mayor sa siyudad sa western Mexico pila ka oras lang human nagpili ang maong nasud sa pinaka-una nilang babaye nga presidente.
Si Yolanda Sánchez Figueroa, mayor sa Cotija sa Michoacán state, nagbaktas lang gikan sa gym pauli sa iyang balay kauban ang iyang bodyguard dihang kini gipusil sa mga tawong anaa sa puti nga van.
Sigon sa state attorney general, si Sánchez Figueroa og iyang bodyguard namatay samtang gitambalan sa hospital dayung butyag nga gilusad karun ang lawom nga imbestigasyon.
Ang election maoy pinakadogoon sa kasaysayan sa Mexico diin pila ka dosena ka mga kandidatu og aplikante ang gipatay sa criminal organizations atol sa kampanya sa tinguhang impluwensiyahan ang piniliay.
