BUTUAN CITY – Nakatala na usab ang Guinness og talagsaong record, ang mahitungod sa nakab-ot sa usa ka Favour Ogechi Ani human kini nag-ihap sa kusog nga tingog diha sa iyang balay sulod sa 70 ka adlaw.
Daw simple lang kung pamati-on ang record sa babaye gikan sa Nigeria tungod kay mag-ihap man lang og kusog diin miabot ang giihap niini ngadto sa Uno milyones og 70-mil.
Apan ang nakapalisud niini mao ang pag-ihap sulod sa 14 ka oras matag-adlaw sulod sa 70 ka adlaw nga walay hunong.
Gisugdan ni Favour Ogechi Ani ang pag-ihap niadtong Oktobre 2025 og bag-ohay lang gipagawas sa Guiness World Record nga nabuak niini ang 18-anyos na nga record sa pag-ihap nga walay hunong.
Sumala pa sa maong babaye nga ganahan gayud siya nga mag-ihap og kusog rasong gitutukan niya ang pagbuak sa record nga wala man lang naghuna-huna nga moundang.
Gi-angkon niini nga hilabihan kalisud ang iyang gibuhat apan tungod kay kini ang iyang ganahan rasong nagpadayon siya kauban ang iyang team nga nagsuporta kaniya.
Sa pagsugod niadtong Oktobre 8, gi-live na niya sa social media ang iyang pag-ihap nga milungtad hangtud sa Disyembre 16.
Nasayrang ang karaan nga record anaa sa usa ka milyon ang na-ihap nga walay hunong rasong iya kining gipasobrahan aron malabwan.
