BUTUAN CITY – Sikop sa kapulisan ang usa ka babaye sa Japan human niini gipislit ang pan nga nalabyan niini sa tindahan, ug wala niya gipalit. Wala matud pa damha sa 40-anyos nga babaye nga ang pagpislit niya sa pan maoy rason nga siya mabilanggo.
Sumala pa, misulod ang babaye sa tindahan ug gikuha ang usa ka pack sa black sesame ug cream cheese buns. Sa wala masayring rason, kalit niyang gipislit ang usa sa mga pan gamit ang iyang kumagko hinungdan nga nadaot ang putos ug dili na kini mabaligya.
Nakita sa tag-iya sa convenience store ang maong panghitabo apan nibiya lamang ang maong babaye nga wala man lang bayare ang maong pan rason nga nakahukom ang tag-iya sa tindahan nga motawag og pulis ug gipadakop kini. Sumala sa mga magbabalaod sa Japan,ang maong sayop nahulog nga “food vandalism” ug supak sa prank culture sa Japan.
