BUTUAN CITY – Emosyunal nga midangop sa Bombo Radyo Butuan ang 39-anyos nga si Melvin Serafina, residente sa Purok 1, Brgy. Ampayon ning siyudad sa Butuan human nga dili na niya ma-contact ang 13-anyos na niyang ka-ipon nga si Antonette Enriquez, dihang nagpalamig human matud pa gika-away ang iyang inahan.
Saysay ni Melvin, niadto pang Dominggo sa gabii mibiya sa ilang panimalay si Antonette human niini naka-away ang iyang kaugalingong inahan ug nananghid kaniyang mu-adto sa balay usab sa iyang inahan sa Cabadbaran City aron magpalamig.
Nananghid matud pa kini sa inahan niya nga mu-adtong Mabini hangtud nga nasayrang milarga kini padulong sa Davao aron manarbaho ug ning adlawa, Martes, gipahibalo na lang siya sa ka-uban sa iyang ka-ipon nga misakay na kini og bus padulong sa kauluhang Manila.
Ang iyang gikasakit tungod kay dili na kini mutubag sa iyang mga tawag rason nga apektado na ang iyang trabaho ilabina nga wala na’y nag-atiman sa ilang duha ka mga anak nga nag-edad og 11 ug 13-anyos.
