BUTUAN CITY – Gipasakaan na og kasong frustrated murder ang usa ka lalaki human niini gidunggab ang iyang ka-ipon dihang wala musugot nga makighilawas.
Naila ang biktimang si Sheenabelle Palomares, 34-anyos samtang ang suspek mao si Nicolas Nerio, 38-anyos pulos residente sa Purok Orchids, Brgy. San Jose, lungsod sa Mainit, Surigao del Norte.
Sigon ni P/Sr. Insp. kon Police Captain Florence Pacleb – hepe sa Mainit Municipal Police Station sa interview sa Bombo Radyo Butuan, nag-aburido matud pa ang suspek dihang wala misugot ang biktima sa iyang hangyong pakighilawas rason nga mikuha kini og kutsilyo og gidunggab ang ka-ipon diha sa iyang ulo og ubos sa gusok.
Gi-operahan na ang biktima kinsa padayon pang nagrekober sa iyang panglawas samtang ang suspek anaa na sa ilang kostudiya kinsa dili matud pa hubog niadtong natigayon ang maong panghitabo. (Beth Ruiz)
