BUTUAN CITY – Arestado sa mga otoridad ang usa ka babaye sa may Science City of Muñoz, Nueva Ecija human kini nakuhaan og anaa sa P1.65 million nga cash sa Comelec checkpoint, kini sumala na sa Police Regional Office III (PRO3).
Nakuha ang maong salapi niadtung Sabado sa may Barangay Poblacion West, diin napansain sa mga pulis nga daw naka-abli ang eco-bag nga dunay sulod tinag-P1,000 bills.
Pag-angkon pa sa suspek, anaaa sa P1.65 million ang sulod sa maong bag.
Atubangon sa maong babaye ang kasong may kalapasan sa Section 28 sa Comelec Resolution No. 11104, kansa nag-dili sa pagdala og anaa sa P500,000 sulod sa duha ka adlaw adiser ang eleksyon o sa mismong adlaw sa eleksyon, gawas nalang kung duna kini otorisadong pagtugot.
Sumala ni PRO3 Director Brig. Gen. Jean Fajardo, seryoso ang direktiba sa mga kapulisan nga himoong limpyo ug luwas, ingon man patas ang kasamtangan nga piniliay.
Sa kasamtangan, anaa na sa kinatibuk-ang 400 ka mga vote-buying, vote-selling,ug pag-abusar sa pondo sa gobyerno ang nadawat nga Kontra Bigay Committee sa Comelec kalabot na sa Midterm Election 2025.
