BUTUAN CITY – Gitabangan na sa Department of Social Welfare and Development (DSWD) ang babayeng migawas sa imbornal sa Makati City kansa maoy iyang gihimong puy-anan.
Sigon ni DSWD Secretary Rex Gatchalian, hatagan nila si alyas Rose og P80,000 aron makasugod sa iyang tindahan, nga maoy iyang pangandoy ka-uban ang iyang partner nga si alyas Jerome, kinsa makamaong mag-welding ug planong ipa-ilalom sa training ug hataga’g welding machin.
Milibot usab ang kalihim sa mga kalsada sa Makati ug nanghatag og hinabang sa uban mga wala’y pinuy-anan dayong awhag kanilang mu-uban sa ‘Pag-abot Shelter,’ alang niadtong mga tawong anaa lang sa kalsada nagpuyo. Isip bugti, misaad si Rose nga tabangan niya ang ahensya pag-awhag sa uban nga mu-adto sa shelter aron matabangan.
Madumdumang mi-ani og nagkada-iyang reaksyon si Rose human nakuhaan og hulagway dihang migawas gikan sa imburnal dayong klaro nga wala siya didto nagpuyo kondili misulod lang aron kuhaon ang nahulog nga cutter blade. Nangabang kaniadto sila Rose ug Jerome sa Pasong Tamo, Makati.
