BUTUAN CITY – Gipadayag ni United States maritime security expert Ray Powell nga klarong dili aksidente ug misunderstanding ang bayolenteng mga gihimo sa China sa Ayungin shoal niadtong Hunyo 17 dayong tawag sa maong mga pulong nga unfortunate words.
Bisan matud pa og ang ideya sa paggamit sa maong mga termino nagtumong pagpalurang sa sitwasyon sa West Philippine Sea, apan kinahanglan pa gihapong mag-amping aron dili mahulog sa pa-on sa China.
Kini tungod kay mahimo matud pang gamiton sa China ang maong de-escalation aron subling ipamugos ang pabor kanila sama sa nahitabo human ang standoff niadtong tuig 2012 dihang gisakop niini ang Scarborough Shoal kansa gitawag usab nga Panatag Shoal ug Bajo de Masinloc.
Dugang pa ni Powell, mahimong usbon kung gilikayang tawgon kini isip armadong pag-atake apan dili matud pa mahitabong matawag kining aksidente lang.
Gipadayag kini sa US maritime security expert human gibutyag ni Executive Secretary Lucas Bersamin, kinsa maoy chairman sa National Maritime Council, nga ang mas agresibong aksyon sa Chinese forces batuk sa tropa sa Pilipinas aron babagan ang resupply mission sa Ayungin mao ang wala matud pa pagsinabtanay o aksidente lang.
Gibutyag pa ni Bersamin nga dili kini makonsierang usa ka armadong pag-atake.
