BUTUAN CITY – Gipasalig ni Ako Bicol Party-list Raul Angelo ‘Jil’ Bongalon nga iyang hingusgan ang Ayuda sa Kapos ang Kita Program kon AKAP sa 2025 national budget taliwa sa sugyot sa pipila ka mga Senador nga wagtangon na kini.
Sumala ni Rep. Bongalon, kinahanglan nga mahatag ang AKAP alang niadtong mokita lamang og ubos sa P21,000 matag-buwan nga mga trabahante nga pobre gihapon bisan pa og adunay trabaho. Kini tungod kay nakatabang kini og dako sa minilyon ka mga ‘near poor’ nga Pilipino ilabina niadtong labing apektado sa krisis sa ekonomiya.
Gipadayag kinisa kongresista human girekomenda sa Senate Finance Committee nga pinangunahan ni Senador Imee Marcos, nga tangtangon na ang AKAP sa 2025 budget sa Department of Social Welfare and Development kon DSWD ug ibalhin sa ubang mga programa sama sa Sustainable Livelihood Program ug Quick Response Fund. Matod ni Marcos, ang P39 bilyones nga AKAP, wala maapil sa orihinal nga budget proposal sa administrasyon.
