BUTUAN CITY – Nagpadayag sa ilang gihambin karong problema sa Bombo Radyo Butuan ang mga stall owners sa Langihan Public Market tungod sa kalit nga pag-pullout kanila mugna sa gipatumang unom ka adlaw nga total lockdown.
Sigon sa usa sa mga stall owners nga si Joven Flores, nasubo sila kung asa na sila mupadulong ilabina nga kadaghanan kanila mu-utang lang og isda sa mga fish brokers nga bayran sa pila ka adlaw.
Ang ila usab nga kuhaong isda, angkaton sa mga fish vendors sama sa mga manuruyay nga nakakuha na kagahapon ug ning mi-aging mga adlaw kansa dili nila mapugos pagsukot tungod sa lockdown rason nga musamot nga dili mabayran ang ilang utang sama kaniya nga duna’y gi-angkat nga isdang mubalor sa 59-mil pesos.
Iyang giklaro nga wala siya magpasibaw sa iyang kasuko ngadto sa city government kondili sa iya lang kabalaka kung unsa na ang mahitabo kanila sulod sa unom ka mga adlaw ug kung duna ba’y matabang kanila ang city government.
Susamang pangutana usab ang gibuhian sa vegetable vendor nga si Jocelyn Linyap nga taga-Emenville Subdivision sa Brgy. Ambago ning siyudad kung duna ba’y ihatag nga ayuda kanila.
Bisan pa man sa total lockdown, gitiwas gihapon niya og baligya ang iyang mga nakumpra nang gulay ilabina kadtong nangahiwa na tugod kay gitugutan matud pa sila sa city government apan kutob lamang matud pa kini karong adlawa.
