BUTUAN CITY – Gi-instalar na sa entradang bahin sa Caraga State University kon CSU main campus sa Brgy. Ampayon ning siyudad sa Butuan ang Automated Disinfectant Sprayer sa Fabrication Laboratory kon FabLab.
Gamitan kini og laser ug usa ka light-dependent resistor kon LDR nga maoy mu-sense higayong isulod na ang kamot sa aperture sa maong device.
Higayong maka-sense na ang LDR nga wala na’y siga o kahayag, dinhi na kini mu-spray og disinfectant o kaha mag-extract og alcohol gikan sa Jungle Wine niini.
Kini nga device gi-fabricate sa Fablab Caraga pinaagi ni Cacho Ronnel ug gidesenyo sa Department of Electronics Engineering faculty ilawom sa ilang research arm nga CRAFT.
Ang na-instalar nga dispenser gituyo aron ma-complement ang Sanitation Tent nga gitaud usab niadtong Abril 13 sa susamang lugar.
