BUTUAN CITY – Naka-abot na ang mga Automated Counting Machines kon ACMs nga gamiton sa tibuok Caraga Region karong eleksyon sa Mayo 12.
Apan sigon ni Atty. Geraldine Samson, ang assistant regional director sa Commission on Elections kon COMELEC-Caraga, kulang pa kini rason nga gi-stock una sa ilang warehouse sa Surigao City ang mga gamiton alang sa Surigao del Norte ug Dinagat Islands Province.
Samtang atua usab sa ilang hub sa Nasipit, Agusan del Norte ang gamiton alang sa maong lalawigan apil na sa Agusan del Sur ug Surigao del Sur.
Samtang ning adlawa usab ipadala sa ilang sentrong buhatan ang mga official ballots ug mga accountable forms kansa subject for verification pa ug checking.
Higayong maka-abot na kini dinhi sa rehiyon, ila unya kining ipanghatud ngadto sa mga provincial treasurer’s offices aron sila na usab ang mang-apod apod niini ngadto sa mga municipal treasurer’s offices higayong ma-verify na nga sakto ang padulngan niini nga mga polling precincts.
