BUTUAN CITY – Gipa-cite in contempt si kanhing presidential spokesperson Atty. Harry Roque atul sapagdungog sa House quad-committee tungod sa pagpamakak niini sa iyang gihatag nga rason sa wala niini tunga sa pagdungog sa Pampanga niadtung nakalabayng semana.
Sumala ni Roque sa pagdungog nga duna siyay hearing sa Manila Regional Trial Court rason nga wala siya makaattend sa hearing niadtung Biyernes, Aug. 16.
Aapaan sa dokumentong nakuha ni Kabayan Rep. Ron Salo gikan sa clerk of court sa Manila RTC, wala matud pay pagdungog si Roque niadtung Aug. 16. Wala usab matud pa siya nakapatim-aw sa bisan asang korte sa Manila sa maong adlaw.
Alayon niini giduso ni Salo ang mosyon nga ipa-cite in contempt si Roque tungod sa wala niini pag resperto sa nasangpit nga komitiba.
Subay sa maong mosyon, nangayo og pasaylo si Roque ug giangkon niining honest mistake lang nga naalingatan niya ang adlaw sa nasangpit nga pagdungog tungod kay nasayod man matud pa siya nga walay hearing matag adlaw sa biernes.
Dugang pa ni Roque nga wala naglain ang iyahang paminaw niadtung adlawng Biyernes rason nga wala na niya nakaya pang mo apas sa maong hearing.
Dugay na desisyonan ang maong mosyon, apan sa kataposan, giaprubahan ang mosyon nga i-cite in contempt si Roque.
