BUTUAN CITY – Gitubag ni kanhe Presidential Spokesperson Atty. Harry Roque ang gibulgar ni Prosecutor General Richard Fadullon nga ang counter affidavit ni Atty. Harry Roque na-notarize sa Abu Dhabi dayung butyag nga mohimo og clarificatory hearing para kumpirmahon kung asa na si Roque.
Sigon ni Roque, miadtu siya sa Abu Dhabi aron magpa-notaryo sa iyang counter-affidavit. Gihimo matud pa niya kini mismo sa konsulada sa Pilipinas sa Abu Dhabi UAE.
Sigon ni Roque, giduso niya ang counter-affidavit aron e-nigar ang qualified trafficking complaint nga giduso batuk kaniya.
Apan giklaro ni Roque nga wala siya sa Pilipinas apan wala na gitumbok kung asa kini nga nasud.
Kung dunay nagduda sa panig sa mga government agencies mahitungod sa iyang personal nga pagpanumpa sa iyang affidavit, mitambag si Roque nga tawagan na lang ang konsulada sa Pilipinas sa nasangpit nga nasud.
Nasaksihan matud pa mismo ni Philippine Ambassador to UAE Alfonso Ferdinand A. Ver ang iyang pag-adtu.
