BUTUAN CITY – Gi-cite in contempt sa House Quad Committee si kanhi Presidential spokesperson Atty. Harry Roque atol sa ilang ikalima nga joint session kaganinang buntag tungod sa wala pa gihapon pagsubmite niini sa mga dokumentong ilang gipa-subpoena sukad pa sa mi-agi nilang pagdungog nga natambungan pa ni Roque adiser siya gidetine sa ilang detention facility.
Sa mosyon ni Rep. Jonathan Keith Flores, gisaysay niini nga nadismaya ang komite sa padayong pagmagahi ni Roque pagsubmite sa mga dokumentong subject sa subpoena duces tecum.
Kini taliwa nga mibungat kini nga iyang isubmite ang maong mga dokumento nga magpamatuod nga wala siya’y kutay sa pipila ka mga Philippine Offshore Gaming Operations kon POGOs nga gilambigit kaniya ug sa iyang asawa.
Samtang gipasabot usab ni House Quad Committee chairman Robert Ace Barbers nga ang ilang pag-cite in contempt kang Atty. Harry Roque tungod na usab sa paglapas niini sa Section 11, paragraph D sa Rules and Procedures sa House of Representatives.
