BUTUAN CITY – Opisyal nang gipabilin sa iyang pwesto si Atty. Claire Castro isip Palace Press Officer ilawom sa Presidential Communications Office (PCO) base sa special order nga gipirmahan ni PCO Acting Secretary Dave Gomez, human sa transition period sulod sa ahensya.
Madumdumang sa sayong bahin ning bulana Hulyo, nangayo si Gomez og courtesy resignation gikan sa tanang political appointees sa PCO isip kabahin sa transition process kondiin usa sa mga mituman niini si Castro human nagsubmite sa iyang resignation letter niadtong Hulyo 16 aron hatagan og kagawasan si Gomez sa pagpili sa iyang kaugalingong team.
Gikumpirma ni Gomez nga magpadayon si Castro sa maong posisyon, tungod sa iyang kahanas ug kasinatian rason nga siya gihapon ang manguna sa mga media briefings ug paghatag og mga opisyal nga pamahayag kalabot sa mga polisiya ug kalihokan sa presidente.
