BUTUAN CITY – Gikumpirma ni Davao City 1st District Rep. Paolo “Pulong” Duterte nga gipadala sa kagamhanan sa Pilipinas si kanhi Senador Antonio Trillanes IV ngadto sa International Criminal Court aron susihon ang kondisyon sa iyang amahan nga si kanhi Pangulong Rodrigo Duterte sa The Hague, Netherlands.
Gipadayag kini sa magbabalaud human gibirahan sa iyang igsoong si Vice President Sara Duterte ang gobyerno sa Pilipinas tungod sa gihimong “welfare checks” sa ilang amahan.
Gikumpirma sa Vice President nga gipa-ilalom sa laboratory tests ang iyang amahan human kini nawad-an og panimuot dihang natumba. Tirada pa ni Congressman Pulong, posibleng maghatag og delikado sa panglawas sa ilang amahan ang gihimo ni Trillanes tungod kay posibleng wala kini matupuki og anti-rabies.
Gipanawagan pa niini si Trillanes nga mubalik na sa Pilipinas aton atubangon ang iyang mga kaso.
Una nang gipadayag sa abogado sa kanhi pangulo nga si Nicholas Kaufman, nga misumbong kaniya ang iyang kliyente nga pila ka higayon siyang natumba sa iyang jail cell kondiin nawad-an siya og panimuot rason nga gidala siya sa ospital aron ma-assess alang sa posibleng cranial ug brain injury apan wala’y bisan usa niini ang gitaho ngadto sa defense team o kaha ngadto sa ila mismo nga pamilya sa kanhi presidente.
Kining tanan, nasayran matud pa sa Marcos administration human sa pagbisita sa ilang mga representante ngadto sa ICC detention center arpn makakuha og intelligence ubos sa pagpaka-aron ingnong nagpakabana isip citizen matud pa sa Pilipinas ang kanhi pangulo.
