BUTUAN CITY – Wala pa mag-sink in kang Atty Princess Magpatoc, taga-Brgy San Vicente ning siyudad sa Butuan ang pagpasar niya sa 2025 bar examination kansang resulta gipagawas na kagahapon sa Korte Suprema.
Sa eksklusibong pakighinabi sa Bombo Radyo Butuan, gipadayag ni Magpatoc nga iya gayong gi-atangan uban sa iyang best friend ang livestream ilabina ang pagsaka sa pangalan sa mga passers rason nga sila sa iyang best friend ang unang nakakita sa ilang pagpasar ilabina nga nag-off siya sa iyang cellphone atol sa pag-anunsyo.
Iyang nadumduman ang grabeng kakulba nga iyang gibati sa pagsugod pa lang sa programa ug dihang mipasar siya, nakahilak siya tungod sa kalipay ug sa pagbalik-lantaw sa ilang mga kaagi nga nasinatian gikan pa lang sa unang tuig sa iyang pagtungha sa law school sulod sa unom ka tuig.
Adiser ang exam, gisunod niya ang tambag sa ilang propesor nga kinahanglang dili lang mentally sila andam kondili apil na sa pisikal nga aspeto.
Gani samtang naghulat sila sa listahan sa mugradwar sa ilang batch, naghinay-hinay na usab sila og review alang sa bar exam dayong claim nga makapaso na sila rason nga nag-enrol gilayon siya sa review center.
