Usa ka fraternity, nanghatag og libreng tubig ug kandila sa pipila ka mga Chinese Cemetery

BUTUAN CITY – Nanghatag og libreng tubig ug kandila ngadto sa mga tawong midalikyat sa Chinese Cemetery sa may Brgy Bancasi ning siyudad sa Butuan ang mga membro sa Alpha Theta Omega-Agusan del Norte Fraternity and Sorority Unified Grand Master Chapter.

Sigon sa ilang kanhi grand Althonian nga si Paul Jake Castillon, kapin napulo silang mga membro nga nang-apod apod niini kondiin apil kini sa nakahan-ay nilang mga kalihukan alang sa ilang umalabot nga anibersaryo.

Kanunay matud pa nila kining gihimo ug karong tuiga, nakatutok lamang sila sa Chinese Cemetery nga naghatag usab og kalipay ngadto sa mga tawong nakatayming sa ilang gihimo samtang paduaw sila sa lubong sa ilang mga namatay nang kabanay o mahal sa kinabuhi.