BUTUAN CITY – Daghang katawhan ang nakurat sa kayang mahimo sa bag-ong Atlas robot sa Boston Dynamics human gipakita sa CES 2026 ang abilidad niini nga kahibulongan tungod kay dili kini sama sa ordinaryong robot nga tul-id kang kung magtindog o kaha maglakaw.
Nasayrang ang Atlas gi-train gamit ang AI foundation models aron makatabang sa daghang buluhaton sa industriya, labina sa automotive sector.
Sa kinatibuk-an, ang Atlas dili na lang “lab experiment” — kini usa na ka production-ready humanoid robot nga makalihok ug mosayaw nga mura’g tawo, ug gi-andam na para sa aktwal nga trabaho sa mga pabrika.
Ang bag-ong bersyon sa Atlas fully electric humanoid robot, gihimo aron gamiton sa industriya, dili lang sa research kondiin gipakita kini sa entablado nga walay cuts o CGI, ug nakapakita sa fluid nga lihok nga murag tawo — lakip na ang pagsayaw nga gi-ila nga “superhuman fluidity” rason nga kaya niining musayaw og budots.
Ang unang mga kompanya nga makadawat sa Atlas mao ang Hyundai ug Google DeepMind, nga partner sa AI training.
