BUTUAN CITY – Maisugong gibarugan ni Pangulong Ferdinand ‘Bongbong’ Macos Jr. nga dili lamang imahinasyon sa mga Pilipino ang West Philippine Sea.
Atol sa ikatulo niining State of the Nation Address kon SONA kagahapon, gibarugan sa presidente ang pending pa nga mga lehislasyon sama sa Maritime Zone Act ingon man ang archipelagic sea lanes alang sa kasayuran sa mga Pilipino sa West Philippine Sea ug pagsiguro nga masilsil sa kasing-kasing ug huna-huna sa matag-usa ang ka-importante sa West Philippine Sea.
Gipa-abot usab sa presidente ang iyang dakong pagpasalamat ngadto sa Philippine Coast Guard ingon man ngadto sa mga mangingisda sa nasangpit nga kadagatan sa ilang pagbantay ug ilang dili katup-ngan nga sakripisyo.
Sulod sa 90 minutos nga pagpamulong sa Presidente, ningkaon lamang og singko minutos ang topiko mahitungod sa West Philippine Sea, apan mao usab kini ang pinaka gipakpakan ug giselebrar sa iyang kinatibuk-ang report.
