BUTUAN CITY – Filipina tennis sensation Alex Eala nagpadayon sa iyang momentum human gipildi ang pambato sa Croatia nga si Petra Marčinko sa Round of 16 sa score nga 6-0, 6-2, rason nga sulod na siya sa quarterfinals sa ASB Classic.
Gidomina niya ang unang set, kondiin wala gayod niya hatagi og tsansa si Marčinko nga maka-iskor ug iyang natala ang 6-0.
Samtang sa ikaduhang set, nakabakod og makadiyot si Marčinko kondiin nabuak pa niya ang serve ni Eala ngadto sa 2-1 apan paspas usab nga nakabawi ang Pinay ug nakuha ang kontrol hangtud nga iyang nadag-an ang lima ka sa straight games nga m aoy nagselyo sa dula.
Mahinungdanon ang maong kada-ugan tungod kay magpadayon kini sa lig-ong pagsugod ni Eala sa tuig 2026 human sa iyang breakthrough 2025 season dihang mi-apil siya sa WTA Top 100 ug midaog sa iyang unang WTA 125 title.
Tungod niini, abante na siya ngadto sa quarterfinals sa ASB Classic, usa ka WTA 250 event, timaan sa laing milestone sa iyang batan-ong karera.
