-- ADVERTISEMENT --
BUTUAN CITY – BUTUAN CITY – Mi-ukit og kasaysayan sa tennis si Carlos Alcaraz human gi-ila isip pinakabatang magdudula nga nakakompleto sa career grand slam human niya napildi si Novak Djokovic sa finals sa Australian Open sa iskor nga 2-6, 6-2, 6-3, 7-5.
Gipamatud-an sa 22-anyos nga si Alcaraz nga siya gihapon ang world number 1 sa tennis.
Gipakita usab niya ang iyang talagsaong kamaayo human sa iyang pagdomina sa mga torneyo sama sa Australian Open, French Open, Wimbledon, ug US Open.
Mas batan-on pa siya karon kumpara kang Rafael Nadal nga 24 anyos dihang nakuha ang Grand Slam; samtang 27 anyos si Roger Federer dihang nakompleto niya ang Grand Slam, ug 29 anyos usab si Serbian tennis star Novak Djokovic.
