BUTUAN CITY – Patay ang assistant election officer sa Isulan, Sultan Kudarat, human kini gipusil kagahapon sa alas- 4:18 sa hapon sa National Highway, Purok Sampaguita, Brgy Poblacion, lungsod sa President Quirino, sa Sultan Kudarat.
Gi-ila ni PLt. Gladys Novino, administrative officer of President Quirino PNP, ang biktima nga si John Nico Allan Dionaldo Pandoy, minyo, residente sa maong dapit ug Assistant COMELEC Officer sa Isulan, Sultan Kudarat.
Subay sa imbestigasyon, sakay si Pandoy sa iyang motorsiklo aron unta mupa-uli na dihang gisudan siya sa duha ka riding-in-tandem suspects dayong pusil kaniya gamit ang wala pa matinong kalibre sa armas dayong sibat padulong sa direksyon sa Buluan, Maguindanao del Sur.
Gidala pa kini sa ospital apan gideklarang patay sa attending physician.
Padayon pang gi-imbestigahan ang maong panghitaboa ron matumbok ug makasuhan ang mga responsable ug masuta ang motibo sa kremin.
Daling gikondena sa Isulan COMELEC ang maong insidente ug nagpadayag sa ilang kabalaka sa kaluwasan sa mga election officers.
