BUTUAN CITY – Napugngan sa mga otoridad sa Ukraine ang pagsulay pagpatay kang Ukrainian President Volodymyr Zelensky.
Sumala ni Vasyl Malyuk, ang hepe sa Security Service of Ukraine (SBU), nahitabo ang assassiantion attempt sa ilang presidente samtang kini anaa sa Rzeszów airport sa Poland.
Dali usab nga naaresto ang suspek nga usa ka Polish citizen ug kanhi sundalo nga gi-recruit, pipila na ka tuig ang milabay.
Apil sa mga plano sa suspek ang paggamit og FPV drones ug sniper weapons aron patyon si Zelensky.
Nagpasalamat si Zelensky sa SBU ug sa Polish Internal Security Agency tungod sa ilang paspas nga aksyon nga misangpot sa pagkaaresto sa suspek.
Dili kini ang unang higayon nga gisulayan og patay si Zelensky, kay sa milabay nga tuig, pipila usab ka sundalo sa Poland ang naningkamot sa pagkutlo sa iyang kinabuhi. Kadaghanan sa mga naaresto adunay trabaho o koneksyon sa Russian FSB. Sa pagkakaron, anaa sa United Kingdom si Zelensky aron makigtagbo kang King Charles III.
