BUTUAN CITY – Gikalingawan karon online ang usa ka cute nga AsPin kon asong Pinoly nga gihimong ring bearer sa kasal sa Alfonso, Cavite. Ang iro nga si Hershee dili lang maayo ug sinina, maayo pud ug training.
Sumala sa iyang fur mom nga si Elai Blando-Cruz, dog lovers sila sa iyang bana ug usa sa ilang “non-negotiables” sa kasal mao ang pag-apil sa ilang mga fur babies sa entourage.
Dugang pa niya nga upat tanan ang ilang iro ug tanan gyud gi-apil sa entourage.
Sa pagpili pa lang sa simbahan, gipangutana na niya kung puwede ba maglakaw ang mga iro sa aisle kay mao gyud na ang iyang gi-imagine nga wedding ug dihang gitugotan sila sa St. John Nepomucene Parish, dkini na ang ilang gihimong venue sa kasal.
Ang maong makalingaw nga moment sa Aspin isip ring bearer gi-heart-tan sa daghang netizens nga nahimuot sa maong espesyal nga okasyon.
