BUTUAN CITY – Mitaliwan na ning adlawa, Abril 12 ang batikang singer ug aktres nga si Pilita Corrales sa edad nga 85-anyos base na sa pagkumpirma sa iyang pamilya sa usa ka social media post.
Sa post sa iyang pamilya, daghan matud pang kinabuhi ang napukaw sa singer tungod sa iyang mga kanta ug ka-buutan niini ngadto sa isi’g katawo.
Madumdumang na-ila si Pilita Corrales niadtong 1960 isip mang-aawit sa mga kantang Bisaya sama sa ‘Matud Nila’ ug ‘Usahay’ hangtud nga nahimo siyang aktres sa pelikula ug telebisyon.
Nagpa-abot na og pahasubo ang mga higala, kabanay ug mga ka-ubanan niini sa industriya.
Madumdumang niadtong tuig 2024, gi-anunsiyo nga makabaton og documentary kalabot sa iyang kinabuhi nga duna’y titulong “Asia’s Queen of Song” kondiin usa sa mga mahimong producers niini, mao ang iyang apo nga si Janine Gutierrez.
