BUTUAN CITY – Ipahunong sa Department of Agriculture ang vaccination trial sa African swine fever kon ASF higayong duna’y mutumaw nga problema.
Kini human gitambag ni kanhi Agriculture Sec. Leonardo Montemayor nga maghinay-hinay sa paghimo og trials alang niini. Kini tungod usb sa report sa World Organization for Animal Health kalabot sa mga nasud nga migamit og substandard nga ASF vaccine aron lang masanta ang maong sakit.
![](https://img.bomboradyo.com/butuan/2024/01/ASF.jpg)
Samtang gipaniguro ni DA spokesperson ASec. Arnel De Mesa nga mupa-ilalom sa tamang proseso ang trial sa bakuna kontra ASF ug masayran ang efficacy sa resulta niini sa himuong controlled vaccination.
Una nang gipaniguro sa opisyal nga aprubahan sa Food and Drug Administration ang unang bakuna kontra ASF alang sa commercial distribution karong buwana human unya sa ilang himuong mass trial.