BUTUAN CITY-Gipasi-ugda sa Association of Southeast Asian Nations kon ASEAN ang pagpalig-on sa digital cooperation sa Russian Federation aron mapadaghan ang pagdagsa sa mga turistang Russian ug mapalambo ang koneksyon sa pagbiyahe sa Rehiyon.
Kini gihisgutan sa 16th ASEAN Russian Federation Tourism Consultation kansa parte sa ASEAN Tourism Forum 2026 nga gipahigayon sa Cebu City niadtong kagahapong adlawa Martes Enero 27, 2026.
Sumala ni Department of Tourism kon DOT USec. Verna Emeralda Buensuceso, nga gi-ila sa mga nasud nga mimyembro sa ASEAN ang Russia isip usa ka importanteng luna sa Digital Transformation sa turismo lakip na ang hini-usang promotion, hugot nga siguridad sa mga turista ug efficient travel connectivity.
Mingtambong sa panagtigom ang mga opisyal sa turismo gikan sa ASEAN ug Russian Federation.
Sigon ni Buensuceso, nga tumong sa duha ka kampo nga palawman ang kooperasyon ubos sa ASEAN-Russian Tourism Work Plan alang sa 2026 ug sa sunod nga mga katuigan, partikular na sa pagpalig-on sa kompyansa sa mga turista ug ang pagpadali sa byahe sa Russian sa Rehiyon.
Dugang pa niini, nga makatabang ang Digital Cooperation sa pagpalapad sa promotion sa distensayon sa ASEAN sa kalibotanong Merkado ug pagtubag sa mga hagit nga mobabag sa pag-abot sa mga turistang Russian sa habagatang-sidlakang Asya.
Kung asa gipasi-ugda sa Russian representative nga si Mr. Igor Maksimov, Deputy Director, Ministry of Economic Development of the Russian Federation, ang kamahinungdanon sa Tourist exchange sa ilang nasud nga nag leak sa 93% Tourist exchange sulod sa 4 ka tuig tungod sa partnership niini sa ASEAN.
Dugang pa niini, nga ming-abot sa 2.7 million Tourist floor bisan paman sa ming-aging Covid-19 pandemic hinungdan nga importante matud pa nga mahatagan og pagtagad ang mga proyektyo ug ang nabuhat sa ASEAN sa tibuok kalibotan.
Nakasentro ang panagtapok gikan sa pagpalig-on sa kooperasyon sa turismo tali sa ASEAN-Russian federation lakip na ang pagpalambo sa cultural affinity and economy ingon man ang pagpalambo sa mga estratehiya sa pagdani sa mga turista.
