BOMBO BUTUAN –Sagol bukog sa tawo ug bukog sa hayop ang mga naretrieve sa mga otoridad sa Taal Lake atul sa gihimong retrieval operation sa mga human remains sa mga nangawalang sabungeros nga gikatahong anaa matud pa sa maong lawa gitambog sigon sa whistle blower nga si Julie Patidongan.
Sumala ni PNP Chief PGEN. Nicolas Torre III, sagul-sagol na matud pa ang mga nakuhang bukog sa mga divers ilabi na nga farm matud pa ang nasangpit nga lugar.
Sa kasamtangan, naghimo na ang Philippine National Police og cross matching sa DNA sa mga nakuhang bukog ngadto sa mga paryente sa mga missing sabungeros.
Saysay pa ni PBGEN. Jean Fajardo, ang tigpamaba sa PNP nga nakuhaan na og DNA profile ang 12 sa mga kapamilya sa mga nangawalang sabongeros, rason nga sa kasamtangan, naghulat na lamang ang ilahang ahensya sa resulta nga ipagawas sa forensic group.
Dugang ni Gen. Torre, dili matud pa sila mohatag og isaktong adlaw kung kanos-a mapagawas ang resulta DNA testing tungod kay wala matud pay nasayod sa komplikasyon nga molugwa niini, taliwala pa man nga dali rang mogawas ang resulta sa maong test.
Lakip sa mga nakuhaan na og sample sa DNA ang mga pamilya sa nangawalang sabungero nga sila Edgar Malaca ug Michael Bautista.
Sumala ni Fajardo, isipong breakthrough sa kapulisan ugaling dunay mag match nga DNA sa mga pamilya sa sabungeros ingon man sa mga nakuhang bukog.