BUTUAN CITY – Miresulta sa hinanaling kamatayon ngadto sa asawa human kini gitigbas sa mismong bana tungod sa selos bandang alas 5:00 sa hapon sa nakalabay nga adlaw sa may Sitio Salumayag, Barangay Halapitan, San Fernando, Bukidnon.
Sigon sa San Fernando Municipal Police Station nagkalalis sulod sa ilang panimalay ang magtiayon gumikan sa selos og tungod sa kasuko sa 39-anyos nga bana, gitigbas niini ang asawa nga naigo sa wala nga bahin sa liog og sa iyang tuong kamot.
Wala pa makontento ang bana, migawas kini sa ilang panimalay ug bitbit ang de-bomba gipabuthan ang mga nanglabay sa lugar diin duha ang na-angol.
Sa dihang nasayud sa insidente, mirespondi usab ang usa ka bagani o tribal warrior sa lugar, ug nakigbinayluay og buto sa suspek nga miresulta sa kamatayon sa suspek.
