BUTUAN CITY – Kasamtangan nga nag-atubang karon og kasong estafa ingon man violation of the Securities Regulation Code (SRC) ang artista nga si Neri Naig human matud pa kini nang-aghat og mga indibidwal para mag-invest sa usa ka skin care company nga dili matud pa otorisadong magngayo og kwarta sa publiko.
Sumala ni Securities and Exchange Commission (SEC) Diretor Filbert Catalino Flores III, nang-aghat matud pa og mga investments si Naig alang sa ilahang skin care company kansa dili lamang matud pa siya endorser sa maong kumpaniya. Sumala sa ilang imbestigasyon, ningsaaad matud pa ang maong skin care company og returns nga mokabat sa 12.6% nga interes kada upat ka bulan sulod sa lima ka tuig.
Tungod kay dili man rehistrado ang maong skin care company, dili matud pa mamahimong otorisado ang mga transaksyon niini. Sa kasamtangan, nakapiyansa na si Naig alang sa mga kaso niining estafa ingon man, nagOng-ong pa usab ang kaso niining syndicated estafa kansa usa ka non-bailable offense.
Sayrang mokabat matud pa sa gibana-banang mokabat sa P1.5 milyones ang nainvest sa duha ka compalainant sa nasangpit nga kumpaniya.
