BUTUAN CITY – Gipa-ambit sa usa ka artist gikan sa Agusan Del Norte ang iyang kasinatian sa pagpadayon sa pagpakita sa iyang talento.
Sigon ni Van Danao sa ekslusibong pakighinabi ning sibyahan, gibutyag niining gusto gayud niya nga mukuha og Fine Arts sa kolehiyo apan nadismaya kini tungod kay wala may kurso ani ang tunghaan sa Cagayan De Oro city rasong lahi nga kurso ang iyang gikuha.
Dako ang pasalamat usab niini sa Ginoo sa iyang talento tungod kay dakong tabang kini sa iyang pagtungha diin sa buntag mamaligya siya og pandesal, mag-drawing og sa gabii mamasahero og single motor.
Sa karun, wala pa magamit ang kursong iyang nahuman tungod kay mas gipili niya ang unsay iyang gusto sa kinabuhi, ang pagka-artist.
Apan giklaro ni Van Danao nga dili kompetisyon ang iyang pagka-artist kundi panginabuhi diin malipayon siya kay karung tuig 2025 duna siya’y kliyente sa abroad.
Tinguha usab niini nga molambo pa ang iyang pagka-artist pinaagi sa pagsulod sa sculpture.
