BUTUAN CITY – Gipadayag ni Supreme Court (SC) court spokesperson Atty. Camille Ting nga unconstitutional ang mga articles of impeachment batok kang Vice President Sara Duterte.
Gidesisyunan sa SC nga ang reklamo sa impeachment batok ni VP Sara Duterte nakalapas sa one-year rule, ug nga ang due process o patas nga proseso kinahanglan sundon sa tanang hugna sa impeachment.
Ang maong desisyon adunay kalabotan sa consolidated petition nga gisang-at ni Duterte, abogado nga si Israelito Torreon, ug uban pa, nga nangayo nga ideklarar nga wala’y bili ang mga artikulo sa impeachment batok kaniya.
Madumdumang tulo ka impeachment complaints ang gisubmite batok kang Duterte niadtong Disyembre 2024, nga may kalambigitan sa giingong sayop nga paggamit sa confidential funds.
Ang ika-upat nga complaint, nga gisang-at ug gi-endorso sa kapin one-third sa mga miyembro sa House of Representatives, kansa mao ang gipadala sa Senado alang sa sunod nga mga proseso.
