BUTUAN CITY- Mipasaka na ang aktor nga si Arron Villaflor og kaso batok sa indibidwal nga mipakuyanap sa gi-ingon niining “private video” nga walay awtorisasyon ug gihulagway nga usa ka “illegal distribution.”
Sa iyang opisyal nga pahayag, sigon ni Villaflor nga ang dili awtorisadong pagrekord ug pag-apod-apod sa pribado ug intimate nga sulod, klarong paglapas sa Republic Act No. 9995 ug uban pang balaod nga nagpanalipod sa privacy ug batok sa digital abuse.
Gipadayag usab niini ang kusganong pagsupak sa paggamit sa maong mga video aron dunggaban ang dignidad sa usa ka tawo.
Samtang nagpadayon ang imbestigasyon, nagpugong kini sa dugang nga komento ug gilimpyohan ang iyang naunang pamahayag kansa nagtumong lamang sa old film clips gikan sa proyekto.
Si Villaflor mao ang pinakabag-ong aktor nga nagpagawas og opisyal nga pamahyaag kalabot sa viral explicit videos, human nila Nikko Natividad ug Gil Cuerva, kansa pareho usab nga nag-angkon nga ang mingkuyanap nga mga video kuha nga walay pagtugot ug usa ka seryosong paglapas sa ilang privacy..
