BUTUAN CITY – Gila-umang mapagawas na karong semanaha ang warrants of arrest sa upat ka mga kasong napasaka na ngadto sa korte batuk nila Datu Adlaw kon Jorgeto Santisas uban sa iyang mga alipores sa pekeng indigenous people kon IP nga Federal Tribal Government of the Philippines kon FTGP.
Sigon ni Surigao City Police Station Chief PLCol Mariano Lukban, kini human nakitaan og probable cause ang upat sa dose ka mga criminal complaints nga ilang giduso sa Surigao City Prosecutor’s Office. Apil niini ang mga kasong grave coercion, alarm and scandal, usurpation of authority ug ang physical injury human ang ilang pagpamadlak sa pipila lang ka establisamiento sa maong siyudad niadtong Enero 24 ning tuiga. Isolated incident lang matud pa ang nahitabo tungod kay wala naman, mihimo pa og kasaba ang grupo nga makahasol sa katawhan.
Sa pagkutlo niini nga balita, gikumpirma sa opisyal nga anaa pa gihapon sa ilang gi-ukupahang compound ang gibana-banang 20 na lang ka nahabiling mga sakop sa grupo ang nagpabilin sa yuta nga gipanag-iyahan sa usa ka enhinyero.
Tungod sa ilang gihimong ilegal nga istraktura, gi-isyuhan sila og notice of violation sa Building Code of the Philippines rason nga giputlan na usab sila og supply sa tubig ug kuryente.
