BUTUAN CITY – Posibleng ipagawas na sa musunod nga mga adlaw ang arrest order batuk kang suspended Bamban, Tarlac Mayor Alice Guo human nga miha-um ang iyang fingerprint ngadto sa usa ka Chinese passport holder nga ginganlan og Guo Hua Ping.
Sigon sa National Bureau of Investigation, klarong usa ka klase sa pagpanglingla ang gihimo sa suspendidong mayor tungod kay gawas nga dili kini Pilipino, migafmit pa kini og lahi nga pangalan ug identity.
Una nang gibutyag ni Presidential Anti-Organized Crime Commission kon PAOCC Undersecretary Gilbert Cruz nga wala na’y lain pang padulngan si Guo kondili ang tubagon ang iyang mga gi-atubang nga kontrobersiya nga mahimong musangpot ngadto sa bilangguan.
Dili usab siya dawaton sa China tungod kay iya na mang gisurender ang iyang citizenship sa maong nasud.
