BUTUAN CITY – Tumang kalipay ang gibati ni Margie Cello, lola ni Airielle Ashley Lape, ang ikaduhang atleta ning siyudad sa Butuan nga nakabulsa sa medalyang bulawan alang sa Caraga Regon human midaog sa Individual Likha Espada y Daga category.
Sa eksklusibong pakighinabi sa Bombo Radyo Butuan, gibutyag sa apuhan nga dedicated ang iyang apo sa training sukad niya gisudlan ang maong padula.
Dili matukib ang kalipay nga gibati sa apuhan tungod kay nagbunga gihapon ang paningkamot niini nga halos atua na sa Ampayon Central Elementary School nagpuyo tungod sa subsob nga training.
Wala matud pa siya’y laing pangandoy kondili, makab-ot gayod sa iyang apo ang tanan niyang damgo alang sa iyang kaugmaon.
Nasayrang lakip sa mga kategoriya diin nihakot og gold medal si Lape mao ang sychronized likha anyo single weapon; synchronized double weapon, synchronized likha anyo espada y daga ug individual likha espada y daga.
