BUTUAN CITY – Gibasa ni Reverend Msgr. Manuel Bravo Jr. ang pastoral letter ni Lingayen-Dagupan Archbishop Socrates Villegas sa mga prosecutors ug judges nga mahimong loyal sa ilang gipanumpaang katungdanan isip mga administrador sa hustisya sa ingon masilutan ang mga nagyaga-yaga sa legal ug administrative processes ilabina ang mga langyaw’ng elemento sa ingon mabantayan ang atong nasudnong seguridad ug interest sa atong nasud.
Nanghinaut si Archbishop Villegas nga madawat sa mga unipormadong tropa ang suporta sa atong gobyerno tungod kay sila ang nagpatrolya sa kadaatan, nag-escort sa atong mga mangingisda, mibarog sa atongmga claims ingon man nanalipod sa atong mga teritoryo ug kadagatan.
Gipadayag niini nga ang China makonsiderang hulga sa soberanya sa Pilipinas tungod sa makadaut niining pagsulay nga irukon ang baybayon sa Pilipinas.
Gibutyag ni Villegas nga duna’y posibilidad nga ang gobyerno nasulod sa mga Chinese assets, nga gibutyag ang mga pagsusing gihimo sa Kamara ug Senado.
Duna matud pa’y moral issue nga nalambigit ang aksyon sa China kalabot sa mga interest sa mga Pilipino sa pag-secure sa ilang kaugmaon pinaagi sa mga resources nga gihatag sa Kahitas-an.
Gidayeg usab niini ang mga isog nga mangingisda nga mi-uban sa bag-uhay lang nga flotilla bisan pa man nga lupigon ang atong sakyanang pandagat, mapanalipdan lang ang atong sovereign rights sa gibangi-ang parte sa West Philippine Sea.
Nanawagan usab siya sa mga Katoliko nga mag-ampo.
Nanawagan siya sa matag-Filipino ilabina kadtong anaa sa Archdiocese sa Lingauyen-Dagupan nga mapasigarbuhong mubarog ug dili magtinalawan sa lingon dili maparot ang atong balaang katungod.
