BUTUAN CITY –Gibasura sa Commission on Elections kon COMELEC ang aplikasyon sa grupong Batang Quiapo isip partylist organization.
Sigon ni COMELEC Chairman George Erwin Garcia, napakyas ang mga nag-asdang niini aron mapasa ang mga kompletong requirements isip usa ka sectoral group aron pamatud-an nga nagrepresenta sila sa usa ka marginalized group.
Kahibaloang wala gi-ila sa poll body ang generalized advocacy tungod kay ang tinuod nga tumong sa balaud kalabot sa partylist , duna dapat kini representante gikan sa mga partikular nga grupo sa katilingban.
Dili usab matud mahimong limitado lang alang sa kaayuhan sa mga taga-Quiapo sa Manila ang mga gi-asdang nga sugyot ug adbokasiya.
agtuo usab ang election watchdog nga gipahimuslan lang sa grupo ang kasikat sa usa ka teleserye aron makabira og mga supporters.
